http://girls-2-2.forumcanadien.org http://girls-2-2.forumcanadien.org منتديات تضم بنات وشباب العرب وبه افضل الاقسام التي تهتم بـ الازياء العالمية , نقاش جاد , صور , يوتيوب , اخبار , الفن والفنانين.
 
الرئيسيةالتسجيلدخولجاتوه زي الجاهز في 30ق وبدون عجان ولا مضرب Uo-ouo10

 

 جاتوه زي الجاهز في 30ق وبدون عجان ولا مضرب

اذهب الى الأسفل 
كاتب الموضوعرسالة
بنت مصر
Admin
بنت مصر

عدد المساهمات : 336
تاريخ التسجيل : 28/12/2014

جاتوه زي الجاهز في 30ق وبدون عجان ولا مضرب Empty
مُساهمةموضوع: جاتوه زي الجاهز في 30ق وبدون عجان ولا مضرب   جاتوه زي الجاهز في 30ق وبدون عجان ولا مضرب Icon_minitimeالثلاثاء ديسمبر 30, 2014 8:55 pm

جايلك ضيوف ومعندكيش وقت في نص ساعة قديملهم دة

pirat

حطي 5 بيضات في الخلاط العادي معاهم معلقة صغيرة فانيليا ومعلقة خل واضربي دقيقتين وبعدين حطي كباية سكر بودرة واضربي دقيقتين وبعدين كباية دقيق منخول مع مغلقة بكنج بودر( بنشيل معلقة كبيرة دقيق ونعوضها بالنشا ) واضربي دقيقة

صبيها في صنية مستطيلة متوسطة ومدهونة زيت خفيف
دخليها فرن 200 متسخن من ربع ساعة وسبيها لمدة ربع ساعة
طلعيها وشيلي الوش بتاعها وسبيها دقيقتين طلعيها من الصنية و ادهنيها مربى مشمش او فراولة ولفيها وهيا دافية
على شكل اسطوانة ودخليها الفريزر 5 ق وبعدين طلعيها وادهنيها كريمة وزينيها براحتك وقطعيها

ولو عايزاها بنية هتشيلي 3 معلق دقيق وتعوضيهم كاكاو خام
ولو هتحشيها كريمة يبقى لفيها الاول وهيا فاضية وبعد ما تطلع من الفريزر افردي واحشي زي ما تحبي
سهلة وسريعة ولذيذة

والمفاجاة الكبرى


اني والله العظيم عاملاها على ايدي بالمضرب السلك اليدوي كان عندي عزومة وشفشق الخلاط اتكسر والمضرب كان عند ماما

دي محشية كريمة بمبي (ضيفي معلقة جيلي فراولة مع الكريم شانتيه قبل الضرب )ومتغطية كريمة وجوزهند وفورماسيلا



ودي محشية كريمة ومتغطية كريمة وسوداني مجروش



ودي كريمة بردو وخطوط جيلي ومرشوشة جوز هند



ودي متغطية صوص شوكولاتة ومرشوشة فورما سيلا والتانية سوداني محمص



ودة بث مباشر من التلاجة



ودي بلاك فورست



ودي من قريب



سهلة وتحفة وبيفتكروها جاهزة
وبقيت بعملها علطول
جايلي زيارة ؟
بعملها
رايحة زيارة ؟ بردو بعملها

بقيت ماشية بيها في الشنطة ههههه

يا بخت الحرامي اللي هينشلني هههه


وممكن تعمليها كتورتة وتقدميها كدة بس دي صور من النت








يارب اكون افدتكوا
الرجوع الى أعلى الصفحة اذهب الى الأسفل
http://girls.my-rpg.com
 
جاتوه زي الجاهز في 30ق وبدون عجان ولا مضرب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بنات اليوم :: الأقسام الأسريه بنات اليوم اناقة ازياء ليلة العمر ديكورات اثاث :: منتدى الطبخ والحلويات والمشروبات والسلاطات-
انتقل الى: