اسهل طريقة لتقشير وفرم الثوم

اسهل طريقة لتقشير وفرم الثوم

بصراحة انا بازهق من تقشير الثوم ومش باحب احتفظ بية مفروم وزوجى مش بيحب الثوم الصينى وجايبلى بلدى كتييييير ..

طب اعمل اية وخصوصا انا باحب الثوم فى كل الاكل .. وياسلام بقى لو تتبيلة سمك وعايزة ثوم كتييير ..

النهاردة دماغى نورت بفكرة ويارب اكون صاحبة براءة الاختراع الاول ..

قلت طب ما البتاعة الجديدة اللى اسمها سلاب شوب بتخبط الثومة خبطة بتفصل لحم الثوم عن القشر ..

تعالوا اقولكم على اختراعى بالصور احسن


دا حبيبى وسبب عذابى الثوم





ودا الى هانستعملة واكيد موجود فى كل البيوت ... شفتوا حاجة بسيطة ازاى





وهى خبطة واحدة على كل فص ثوم هايبقى كدة .. شفتو القشرة اتفصلت لوحدها عن القلب ازاى






وهنا بكل سهولة والله شيلت القشرة صحيحة ودا يدل على ان الفكرة نجحت ومفيش تقشير





وعشان اكمل السهولة بقى جبت كيس وما اكثرها فى مطبخنا ووضعت فيها الثوم كدة






وخبطت كام خبطة بالشاكوش تانى وبقى الثوم بالشكل دا وتقدرى تتحكمى فى فرم الثوم وممكن تبقى تضيفى البهارات وتهرسيهم زى العجين للسمك






صدقونى الموضوع كلة استغرق دقيقتين .. واتحدى اى واحدة تقشر عدد الثوم اللى فى الكيس دا وتفرمهم فى دقيقتين ..