فطيرة بودينج الشيكولاتة

فطيرة بودينج الشيكولاتة
المقادير:

    2 باكو بسكويت ماري
    2 ملعقة كبيرة زبدة سايحة
    ملعقة كبيرة ماء
    ملعقة كبيرة جيلاتين
    1/ 3 كوب ماء مغلي
    2/ 3 كوب سكر
    1/ 3 كوب كاكاو
    1/ 4 كوب نشا
    1/ 8 ملعقة صغيرة ملح
    3 كوب لبن
    كوب قطع شيكولاتة خام
    1/ 2 ملعقة صغيرة فانيليا
    1/ 4 كوب كريمة


الطريقه
1- اطحني البسكويت في الخلاط لحد ما يبقى ناعم، وبعدين حطي عليه الزبدة والميه، واطحنيه تاني في الخلاط لحد ما يعمل خليط متماسك.

2- افردي خليط البسكويت في قالب فرن، وخلي بالك ابعدي شوية عن حواف الطبق، وحطيه في الفرن لمدة 10 دقائق تقريبا.

3- بعد كده طلعيه من الفرن وسيبيه لحد ما يبرد، وفي الوقت ده حضري البودينج، حطي الجيلاتين في طبق غويط، وحطي عليه الميه المغلية، وقلبيها لحد ما تدوب تماما.

4- بعد كده اخلطي السكر، والكاكاو، والنشا، والملح، وصبّي عليه نصف كمية اللبن تدريجيا لحد ما الخليط يتجانس.

5- بعدين حطي الكمية الباقية من اللبن على الخليط، وحطّيهم على نار متوسطة مع التقليب المستمر لمدة 10 دقائق لحد ما يغلي الخليط ويبقى غليظ.

6- ارفعي الخليط من على النار، وحطي فيه الشيكولاتة، وقلبيها لحد ما تسيح تماما.

7- بعدين حطي الفانيليا والجيلاتين المذاب، وقلبي الخليط كويس، وصبيه فوق طبقة البسكويت، وحطيه في التلاجة لحد ما يتجمد.

8- عند التقديم اخفقي الكريمة مع 1/ 2 ملعقة صغيرة من السكر، وزيني الفطيرة بالكريمة، وقدميها بالهنا والشفا.