https://girls-2-2.forumcanadien.org https://girls-2-2.forumcanadien.org منتديات تضم بنات وشباب العرب وبه افضل الاقسام التي تهتم بـ الازياء العالمية , نقاش جاد , صور , يوتيوب , اخبار , الفن والفنانين.
 
الرئيسيةأحدث الصورالتسجيلدخولنصايح ذكية لأكلات هنية Uo-ouo10

 

 نصايح ذكية لأكلات هنية

اذهب الى الأسفل 
كاتب الموضوعرسالة
بنت مصر
Admin
بنت مصر


عدد المساهمات : 336
تاريخ التسجيل : 28/12/2014

نصايح ذكية لأكلات هنية Empty
مُساهمةموضوع: نصايح ذكية لأكلات هنية   نصايح ذكية لأكلات هنية Icon_minitimeالخميس يناير 01, 2015 7:07 pm

النهارده هنعرف إزاي نحفظ بعض الأكلات الجاهزة في الفريزر؛ علشان توفر وقت لست البيت وهي بتحضّر لفطار رمضان..أفضل الطرق لحفظ الخضراوات
طبعا مافيش أحسن من إنك ترجعي من الشغل تلاقي الفطار جاهز، وده ممكن تعمليه بسهولة؛ لو حضرتي أكياس من أنواع الخضراوات المختلفة تكون سهلة وسريعة في الطهي، ودلوقتي هنشوف أفضل الطرق لحفظ مجموعة كبيرة من الخضراوات..



البامية والفاصوليا والبسلة
نظّفي الخضار، واغسليه وسيبيه ينشف، وبعد كده شوّحيه على النار مع كمية مناسبة من البصل وكمية صغيرة جدا من الزبدة، لمدة 3 أو 5 دقايق، وبعد كده سيبيه يبرد وقسّميه في أكياس بلاستيك، بحيث إن كل كيس يكون فيه الكمية اللي تكفي لوجبة فطار على حسب عدد أفراد العيلة عندك.




الملوخية
هاتي الملوخية وقطفيها واغسليها كويس، وحطيها في مصفاة علشان تصفي ميتها كويس، وبعد كده خرّطيها وحطّيها في أكياس نايلون ناشفة وحطيها في الفريزر.

ورق العنب
هاتي ورق العنب واغسليه كويس، وبعد كده حطّيه في ميه مغلية لمدة 3 دقائق، وشيليه منها وحطّيه في مصفاة يصفي ميته ويبرد، بعد كده لفّيه في فوطة ناشفة وحطّيه في أكياس نايلون، بس اتأكدي إن الكيس مافيهوش أي أثر للهواء، وبعد كده حطيه في الفريرز.




الكوسة والباذنجان الأسود
اغسليهم كويس وقشّريهم وقطّعيهم بالطريقة اللي تعجبك سواء حلقات أو بالطول، وبعد كده حطّيهم في الميه واغليهم على النار، وبعد كده سيبيهم يبردوا، وينزّلوا الميه بتاعتهم، وبعد كده احفظيهم في أكياس في الفريزر، وممكن كمان تقليهم وتصفّيهم وتحفظيهم.




الطماطم
أحسن طريقة لحفظ الطماطم، إنك تشتري كمية منها بس تكون حالتها كويسة وجامدة شوية، وبعد كده تغسليها وتحطّيها لمدة دقيقتين في ميه مغلية، وبعد كده تشيليها وتحطّيها على طول في ميه مثلجة، وبعد كده تقشّريها، وتقطّعيها نصفين بالعرض وتشيلي البذر والعصير اللي جواها، وبعد كده حطّي قطع الطماطم في برطمانات زجاجية معقمة ومعاها شوية ملح صغيرين ورشة من عصير الليمون، وراعي إنك تكبسي الطماطم كويس أوي جوه البرطمان علشان تتخلصي من أي هواء فيه، وفي الآخر حطّي كمية من عصير الطماطم اللي اتبقى عندك بعد ما شيلتي منها البذر، واقفلي البرطمان كويس أوي، ونظّفيه كويس، وشيليه في الفريزر.

السمبوسك
احشيها بأي حشو تحبّيه ولفيها، وبعد كده ادهني سطحها بشوية زيت صغير، وقسّميها على أكياس بلاستيك مفرغة من الهواء، ولما بتيجي تستخدميها طلّعيها قبلها بساعة أو ساعتين وبعد كده اقليها في الزيت.
المكرونة بالبشاميل
ممكن تحضّري صينية مكرونة بالبشاميل، وتشيليها في الفريزر، وتطلعيها على السوى على طول، بس الأفضل إنك تعملي كده لو عندك عزومة تاني يوم، وعايزة تكوني مجهزة كل حاجتك من قبلها؛ لكن مش بيفضل إنك تشيليها لوقت طويل في الفريزر.
صلصة الطماطم المسبكة
الصلصة عامل أساسي بتدخل مع معظم أصناف الخضار اللي ممكن تعمليها زي البامية أو الفاصوليا أو البسلة، وعلشان تسهلي على نفسك ممكن إنك تعملي كمية من الصلصة المسبكة وتشيليها في أكياس، وفرّغيها من الهوا واقفليها كويس وحطّيها في الفريزر.
الشوربة
بتعتبر من الأطباق الأساسية على سفرة رمضان، وعلشان توفّري وقتك ممكن تعملي أنواع مختلفة من الشوربة وتقسّميهم على أكياس بلاستيك وتقفليهم كويس، بحيث إن الكيس ما يكونش فيه أي هوا، واحتفظي بهم في الفريزر، وكل يوم تطلعي كيس الشوربة اللي هتستخدميه وتحطيه على النار وفي خمس دقايق تكوني جهزتيها.
ومن أنواع الشوربة اللي ممكن تحفظيها الشوربة العادية أو المرق، واللي بتطلع من سلق الفراخ أو اللحمة، بس قبل ما تحطيهم في الأكياس صفّي الشوربة كويس من بواقي البصل والحبهان اللي فيها.اللحمة المعصّجة
ممكن تعصّجي كمية من اللحمة المفرومة، وتقسّميها في أكياس بلاستيك، وتشيليها في الفريزر، وتستخدميها لما تيجي تعملي سمبوسك أو مكرونة بالبشاميل أو بطاطس محشية باللحمة المفرومة.
الفراخ البانيه والبوفتيك
ممكن تجيبي منهم كمية وتتبّليهم وتقسّميهم في أكياس بلاستيك، وتشيليهم في الفريزر، وبكده وقت ما تحتاجيهم، بتطلّعيهم قبل الاستخدام بشوية.
العصاير
ممكن تعملي العصاير والمشروبات اللي بتحبيها إنتي وأسرتك، وتقسّميهم في برطمانات زجاج أو أكياس بلاستيك، وتشيليهم في الفريزر.
لغاية هنا خلصت نصايحنا..
__________________
الرجوع الى أعلى الصفحة اذهب الى الأسفل
http://girls.my-rpg.com
 
نصايح ذكية لأكلات هنية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بنات اليوم :: الأقسام الأسريه بنات اليوم اناقة ازياء ليلة العمر ديكورات اثاث :: منتدى الطبخ والحلويات والمشروبات والسلاطات-
انتقل الى: