لو عندك بواقى فراخ ... تعالى اقولك تعملى ايه

1. ممكن تستخدمي قطع الفراخ الباقية، وتضيفيها مع صواني النجرسكو والأرز بالبشاميل، وكمان تقدري تحطّيها على البيتزا أو تحشي بها السمبوسة

2. ممكن تفرمي قطع الفراخ المسلوقة الباقية عندك، وتشوّحيها مع شوية بصل، وتحشي بها البطاطس بدل اللحمة المفرومة، أو تقلبيها مع البطاطس المهروسة، وتعملي من الخليط ده أقراص، وتغمسيها في بيض مع ملح وفلفل، وبعد كده قلّبي الأقراص دي في البقسماط، وبعد كده اقليهم في الزيت

3. ممكن تقطعي بواقي الفراخ، وتضيفي عليها مكونات السلطة، وتعملي طبق سلطة خضراء بالفراخ، وتقدري كمان تضيفي قطع الفراخ على سلطة الكول سلو.

وممكن تعملي سلطة فراخ بإنك تضيفي عليها خليط من المايونيز وعصير الليمون والفلفل الأسود والكرفس واللوز المحمص.